KALE EKINTZA “HAURRAK SOS”

HaurrakErebai Familien Saretik MAIATZAREN 30-erako  KALE EKINTZA . Donostian izango da, Kontxako hondartzan 12:30tan. “HAURRAK SOS” Giza Mosaikoa eraikiko dugu.
HaurrakEreBaitik kezkaz bizi dugu iada urte bete baino gehiagoz, gure seme alabek osasun krisialdi honi aurre egiteko kudeaketaren ondorioz pairatu duten egoera. Urtebeteko esperientziak, eta zenbait ikerketek erakutsi digute, haurrengan Covid-19 aren eragina ez dela esanguratsua, eta berresten dugu, ez direla pandemia honen eroaleak.
Haur eta nerabeekiko eskubide urraketez luze hitz egin dezakegu baina gure energia bi puntutan zentratu eta ekintzaren aldarriak, labur-labur, hauek izango dira.
1️⃣Musukoaren erabileraren derrigortasuna bertan behera uztea 6-12 urte bitarteko haurretan.
2️⃣Gaur egungo eskola protokoloa kentzea eta hartu beharreko neurriak haurren osasuna modu integralean zaindu dezatela, gure saretik sortutako ikasturtea antolatzeko proposamen eguneratua alternatiba gisa eskainiz.
Haur eta nerabeak babestu ditzagun, haiek mindu gabe
Bertaratu eta parte hartu, Haurrek merezi dute eta.